ඇස් අලංකරණයේ දී පරෙස්සම වැදගත්

අපි පසුගිය සතියේ කතා කළේ ඇසේ අලංකරණය පිණිස අපි යොදාගන්නා විවිධ දේ පරෙස්සමෙන් පරිහරණය කරන්නේ කෙසේ ද යන්න පිළිබඳයි. අදත් අපි වැඩිපුරම කතා කරනුයේ තවත් එවැනි ක්‍රමෝපාය ගැන සහ ඇය මේක්අප් කිරීමේදී එය කැපී පෙනෙන ආකාරයෙන් සිදුකර ගැනීමට අනුගමනය කළ යුතු දේ පිළිබඳවය. මේ අලංකරණ ක්‍රම සේම ඇස වටේ පෙනුම නිරෝගීව ආරක්ෂා කර ගැනීම සඳහා හොඳ ප්‍රමිතියකින් යුතු විටමින් කේ ක්‍රීම් වර්ගයක් ආලේප කරන්න.

එසේම ඔබ දන්නවා පරිසරයේ පවතින විවිධ සංකූලතා හේතුවෙන්, වෛරස් නිසා බෝවෙන රෝගවලින් ඇසටත් හානි සිදුවිය හැකිය. මේ විවිධ ආකාරයේ ඇස් අමාරු සඳහා ඔබ වෛද්‍ය උපදෙස් පතද්දී Eye drops පාවිච්චි කිරීමට සිදුවේ. වෛද්‍ය උපදෙස් මත ඔබ ලබා ගන්නා හෝ මිලදී ගන්නා ෑහැ ාරදචි පාවිච්චියේදී ඉතාමත්ම සැලකිලිමත් විය යුතුය. ඇසට මේවා වැක් කිරීමට ප්‍රථම දෙඅත් විෂබීජ නාශක දියරයක් දමා හොඳින් සෝදා ගත යුතුය. එම ඛෙහෙත් පාවිච්චියෙන් පසු බෝතලයේ මූඩිය හොඳින් වසා තැබිය යුතුය. එසේම වෛද්‍යවරයා මෙම ඛෙහෙත් නියම කරන්නේ සතියක කාලයට නම් ඉන් වැඩි දිනක් කිසි විටෙකත් එය පාවිච්චි කළ යුතු නොවේ.

ඊළඟට අපි සූදානම් වනුයේ ඔබේ මුහුණට නව එළියක් රැගෙන එන ඇහිබැම (eye brows) පිළිබඳ ඔබ දැනුම්වත් කිරීමටයි. ඕනෑම කෙනෙකුට උපතින් ඇහි බැම පිහිටා ඇත්තේ ඒ මුහුණට ගැළපෙන අන්දමටයි. එය කිසියම් ආකාරයකින් පොලිෂ් කර ගැනීමක් තමයි මෙහිදී සිදුවිය යුත්තේ. විශේෂයෙන් විශාල ඇස් පිහිටා ඇති කෙනෙකුට අයි ලයින් එක පළලට විශාලව ඇඳීම සුදුසු වන්නේ නෑ. එවිට ඒ ඇස පෙනෙනුයේ තවත් විශාලවය. එවැනි විශාල ඇසකට සුදුසු වන්නේ කුඩා eye line එකකි. අනිත් කරුණ නම් අද අපි බොහෝ දෙනෙක් eye brows සහ eye line ඇඳීම සඳහා පාවිච්චි කරනුයේ කළු පාට පැන්සලක්ය. එහෙත් ආසියාතිකයින් වන අපට eye line සහ eye brows ඇඳීම සඳහා වඩාත් සුදුසු වන්නේ දුඹුරු පාට පැන්සලකි. ඇස්වල පවතින බොහෝ අඩුපාඩුකම් අපට මේක් අප් කිරීමේදී වසාගන්න පුළුවන්. එසේම ඒ මඟින් මුහුණට කැපී පෙනෙන පෙනුමක්, දීප්තිමත් භාවයක් ලබා ගන්න පුළුවන්. එසේ නව පෙනුමක් ලබා ගන්නට නම් අපි ඒ පෙනුම කැපී පෙනෙන අයුරින් මේක් අප් කරගන්නේ කෙසේදැයි දැනගත යුතුයි.

සමහරු ඇහි පිහාටු සවිකරගෙන සිටියත් බැලූ බැල්මට ඒ ඇහි පිහාටුවල කෘත්‍රිම බව පේනවා. නමුත් තාක්ෂණය ඉතාම දියුණු තත්ත්වයක තිඛෙන වර්තමානයේ වෙළෙඳපොළේ Natural eye lasses මිලදී ගන්නට තිඛෙනවා. එවැනි ඇහිපිය සවිකළ විට කිසිඳු කෘත්‍රිම බවක් දැනෙන්නේ නෑ. විශේෂයෙන් මේ තත්ත්වය මනාලියන්ට බලපානවා.eye lasses කෘත්‍රිම ස්වභාවයක් ගතහොත් මනාලියගේ මුහුණේ ස්වභාවික සුන්දරත්වය නැති වී යා හැකියි.

නවීන විලාසිතාවන්ට අනුව වෙළෙඳපළට පැමිණෙන ඕනෑම fashion එකක් වැලඳගන්නට උත්සාහ දරන පිරිසකුත් අපි අතර ඉන්නවා.

අද වෙළෙඳපොළේ eye lasses විවිධ වර්ණවලින් මිලදී ගන්නට තිඛෙනවා. එහෙත් ඔබ හොඳින් මතක තබා ගත යුතුයි විවිධ වර්ණයෙන් යුතු ඇහිපිය පලඳින්නේ බොහෝ විට විලාසිතා සංදර්ශන (fashion show) සඳහා බව.

අපි මස්කාරා ගාන්නේ ඇහිපියේ ඝනකම බව වඩාත් තීව්‍ර කර ගැනීම සඳහායි. ඝන ඇහිපියක් තිඛෙන කෙනෙකුට මස්කාරා ගැල්වීමෙන් පමණක් ඇහිපිය අලංකරණය කර ගැනීම ප්‍රමාණවත්. එහෙත් එවැනි ඝන ඇහිපිය තිඛෙන කෙනෙක් කෘත්‍රිම ඇහිපියත් සවි කළොත් කොහොමට හිටීවි ද? ඇත්තටම එය අවලස්සනක් එකතු කරාවි ඔබේ මුහුණට. අද ලංකාවේ තිඛෙනවා මේ ඇහිපිය සිටවන ක්‍රමවේදයක්. ඔබේ ස්වභාවික ඇහිපිය පිහිටා තිඛෙන සිදුරුවලට තමයි මේ කෘත්‍රිම ඇහිපිය සිටවන්නේත් මේ ක්‍රමය ඇහිපිය ඇලවීමට වඩා දීර්ඝ කාලීනයි. සාමාන්‍යයෙන් මාස තුන හතරක් පවතිනවා. ඉන්පසු ඉබේම ඒවා වැටී යනවා. සාමාන්‍යයෙන් මනාලියක් වන කෙනෙකුට සුදුසු වුවත් මෙය ඉතාමත්ම පරෙස්සමෙන් කළ යුතු දෙයක්. එසේම එම ක්‍රමය ආරක්ෂාකාරීව, ප්‍රමිතිගතව සිදුකරන ස්ථාන එකක් හෝ දෙකක් පමණයි දැනට ලංකාවේ පවතින්නේ.

eye shadows ගැල්වීමේදීත් අපි ඉතාමත්ම පරෙස්සම් විය යුතුයි. සාමාන්‍යයෙන් අපි උදය වරුවට eye shadows ගැල්වීමේදී වැඩිය තද පාට පාවිච්චි කරන්නේ නෑ. රාත්‍රී කාලය සඳහා දිලිසෙන පාටක් ගැල්වීම සුදුසුයි. eye shadows සඳහා අපි පාට තුනක් පාවිච්චි කරනවා නම් ඒවා ඉතා හොදින් මිශ්‍ර වී තිබිය යුතුයි. වර්ණ එකින් එක වෙන්ව නොපෙනෙන පරිදි, ඇසේ කෙළවරට අපි පාවිච්චි කළ යුත්තේ කළු, දම් වැනි තද පාටයි. එහෙත් ඇහේ මුලට අපි පාවිච්චි කළ යුත්තේ ලා වර්ණය.
 
curtesy : sithmalyaya.com

(under the courtesy of goodhousekeeping.lk web)